Elaboración

En O Barco de Valdeorras e arredores o botelo tradicional é o estómago do porco recheo ca costela adubada e afumado durante uns 15 días, para despois comer cocido acompañado de patacas, repolo e algún chourizo. Outras elaboracións como o recheo da tripa (cego) coñécese como pigureiro.

 

Para a elaboración dun botelo, despois de limpar ben o estómago do porco, escaldándoo e raspándoo, procédese ao seu recheo empregando basicamente costelas, aínda que tamén nalgunha ocasión aprovéitanse os  osos da cabeza do animal e  tamén do espiñazo. Adúbanse estes osos con allo, ourego, sal e pemento, doce e picante, e deixase o adubado un día enteiro en repouso para que colla ben os condimentos. A continuación énchese a tripa procurando que os osos queden apretadiños, cósense as aberturas da pel do botelo e remátase botándolle por riba un pouco de pemento picante. Logo, colgado de oito a dez días, máis o menos, o botelo vai curando polo efecto do fumo e a acción do aire, mentres agarda o momento da súa  degustación.

  

Á hora de levalo á mesa recoñécese desde sempre unha relación especial entre este produto y las celebracións festivas do inverno. Dependendo da data escollida para a matanza, días como o de Nadal, Ano Novo, Reis, San Mauro (patrón de O Barco, que se celebra o 15 de xaneiro) ou o San Antón teñen como prato estrela de moitos menús valdeorreses, o botelo.