A Festa do Botelo pecha a súa promoción en Vigo coa asistencia de 200 persoas á comida

A Festa do Botelo pecha a súa promoción en Vigo coa asistencia de 200 persoas á comida

A terceira Festa do Botelo na cidade de Vigo celebrouse hoxe con gran afluencia de público. Uns 200 comensais degustaron o singular botelo acompañado de cachelos e verdura no salón do Hotel Coia de Vigo. Ao acto asistiron como representación institucional do Concello do Barco,  o alcalde, Alfredo García e a concelleira de Cultura e Educación, Margarida Pizcueta acompañados do alcalde de Vigo, Abel Caballero, a presidenta da Deputación de Pontevedra, Carmela Silva e a concelleira de Servizos Socias e Formación, Soledad Girón, do Concello do Porriño.

A comida comezou ás 14:30 horas con sopa e empanada de maravallas, a continuación serviuse o botelo. A degustación do botelo,é dicir, o estómago do porco recheo de costelas adubadas e afumado e posteriormente cocido para o seu consumo, acompañouse con viño branco da Adega D´Berna e o tinto da Cooperativa Xesús Nazareno de O Barco. Para a sobremesa estivo presente a torta de roxóns e a música para o baile de peche do acto.

Este foi o último acto promocional do botelo desta tempada. O Concello do Barco organizou unha serie de actividades este ano e deu continuidade a outras para seguir dando a coñecer o embutido rei do inverno valdeorrés, o botelo. Esta Festa de Interese Turístico de Galicia dende o ano 2014 celebrou o pasado día 21 de xaneiro na vila do Barco a súa décimo séptima edición. Continuou coa súa promoción fora das terras valdeorresas en Coruña o pasado día 11 de febreiro e rematou a actividade hoxe en Vigo.

O Botelo do Barco de Valdeorras chega a Vigo por terceiro ano

O Botelo do Barco de Valdeorras chega a Vigo por terceiro ano

A terceira Festa do Botelo na cidade de Vigo celebrarase este sábado, día 11 de marzo. O lugar desta nova edición será o restaurante do Hotel Coia ao igual que na celebración dos anos anteriores. O Concello do Barco de Valdeorras (Ourense) está organizando esta nova festa do Botelo na cidade olívica para continuar coa difusión do produto rei do inverno valdeorrés. O botelo, consistente no estómago do porco recheo de costelas adubadas, afumado e que se consume cocido, está acadando un gran recoñecemento e difusión fora das terras valdeorresas.

A comida comezará ás 14:30 horas ca tradicional sopa de cocido e a típica empanada de maravallas. O prato principal terá ao botelo como protagonista e acompañado de cachelos, chourizos e verdura. Para a sobremesa haberá bica e actuación musical. A comida custa 25 € por persoa e as reservas xa se poden facer mediante o pago nun número de conta que o restaurante ten aberto.

Esta Festa de Interese Turístico de Galicia dende o ano 2014 celebrou o pasado día 21 de xaneiro a súa décimo séptima edición na vila do Barco. O pasado día 11 de febreiro celebrouse a IV edición da festa na Coruña e a rolda de promoción remata en Vigo este sábado.

Máis de 370 persoas degustaron o botelo na cuarta edición da festa que se celebrou na Coruña

Máis de 370 persoas degustaron o botelo na cuarta edición da festa que se celebrou na Coruña

A cuarta Festa do Botelo celebrouse hoxe na cidade da Coruña coa asistencia de máis de 370 persoas. O  restaurante Mirador de San Pedro, ao igual que nas tres edicións anteriores, encheuse de seguidores do embutido rei do inverno valdeorrés e que o Concello do Barco de Valdeorras está promocionando coa organización de eventos como o de hoxe. O botelo, é dicir, o estómago do porco recheo de costelas adubadas, afumado e que se consume cocido, está acadando un gran recoñecemento e difusión fora das terras valdeorresas. Neste evento da cidade herculina estiveron acompañando ao alcalde do Barco, Alfredo García, o tenente de alcalde de Coruña e concelleiro de Turismo, Alberto Lema, e o alcalde de Carballo, Evencio Ferrero.

De esquerda a dereita o alcalde de Carballo, Evencio Ferrero, o alcalde do Barco, Alfredo García e o tenente alcalde Coruña, Alberto Lema
Asistentes á comida en Coruña

 

 

 

 

 

 

 

 

 

A festa comezou ás 13:00 horas coa recepción dos comensais e a continuación a comida na que os entrantes foron a tradicional sopa do cocido e a típica empanada de maravallas. O prato principal tivo ao botelo como protagonista e acompañado de cachelos, chourizos e repolo. Para a sobremesa houbo bica e a torta de roxóns ademais do grupo musical, Os Peteras, para amenizar a tarde. Para acompañar a comida do botelo estiveron os viños brancos de godello das adegas Godeval, D´berna e o tinto da Cooperativa Xesús Nazareno de O Barco.

Alcalde de O Barco, tenente de alcalde Coruña e o alcalde de Carballo na mesa
Asistentes á comida en Coruña

 

 

 

 

 

 

 

 

Esta Festa de Interese Turístico de Galicia dende o ano 2014 celebrou o pasado día 21 de xaneiro na vila do Barco a súa décimo séptima edición. Agora continúa a súa promoción fora das terras valdeorresas e ademais da comida de hoxe en A Coruña, xa se está preparando outra en Vigo na súa terceira edición para o día 11 de marzo.

O Barco de Valdeorras promociona un ano máis o botelo cunha festa na Coruña

O Barco de Valdeorras promociona un ano máis o botelo cunha festa na Coruña

A cuarta Festa do Botelo na cidade da Coruña celebrarase o sábado, día 11 de febreiro. O lugar desta nova edición será o restaurante Mirador de San Pedro ao igual que nas tres celebracións anteriores. O Concello do Barco de Valdeorras está organizando esta nova festa do Botelo na capital herculina para continuar coa difusión do produto rei do inverno valdeorrés. O botelo, é dicir, o estómago do porco recheo de costelas adubadas, afumado e que se consume cocido, está acadando un gran recoñecemento e difusión fora das terras valdeorresas.

A festa comezará ás 13:00 horas coa recepción dos comensais e a continuación a comida na que os entrantes serán a tradicional sopa do cocido e a típica empanada de maravallas. O prato principal terá ao botelo como protagonista e acompañado de cachelos, chourizos e verdura. Para a sobremesa haberá bica e a torta de roxóns ademais do grupo musical Os Peteras para amenizar a tarde. Para acompañar a comida do botelo estarán os viños brancos de godello das adegas Godeval, D´berna e o tinto da Cooperativa Xesús Nazareno. A comida custa 30 € por persoa e as reservas xa se poden facer mediante o pago nun número de conta que o restaurante ten aberto. Aqueles que vaian en grupo teñen que especificar o nome do grupo ao que pertencen para poder organizar as mesas.

Esta Festa de Interese Turístico de Galicia dende o ano 2014 celebrou o pasado día 21 de xaneiro a súa décimo séptima edición na vila do Barco. Agora continúa a súa promoción fora das terras valdeorresas e ademais da comida en A Coruña, xa se está preparando outra en Vigo na súa segunda edición para o día 11 de marzo.

A XVII Festa do Botelo do Barco exaltou este produto con 1300 asistentes na comida oficial

A XVII Festa do Botelo do Barco exaltou este produto con 1300 asistentes na comida oficial

A XVII Festa do Botelo do Barco congregou a 1300 persoas na maior exaltación deste embutido no que o estómago do porco recheo de costelas adobadas é o protagonista. Este produto consúmese cocido con verdura e patacas e dende o 2014 a festa de exaltación foi declarada de Interese Turístico en Galicia. A festa contou este ano como pregoeiros co debuxante Luis Davila e co actor Carlos Blanco. O seu inxenioso pregón a dúas mans, debuxado e falado, tivo unha gran aceptación e provocou moitas risas no Teatro Lauro Olmo onde buscaron “tunear” e darlle novos usos ao botelo convertíndoo en avión “air botelo” ou nunhas zapatillas de deporte e ata chegar a ser un iogur.

No acto do pregón tamén recibiu a mención de honra, Obdulia Fidalgo, coñecida como Lula A Pulpeira, que foi a cociñeira encargada de cocer o botelo durante 15 anos de festa. Lula lembrou no seu discurso os inicios da festa e o todo o traballo que tiveron que facer.

A actividade no Día do Botelo comezou cunha feira de produtos tradicionais na Praza Andrés de Prada onde hai 14 postos que venden botelos, mel, marmeladas, etc. Esta feira estará aberta toda a fin de semana.

A comida comezou ás 14:30 horas no pavillón de Calabagueiros. Nela degustaronse 750 quilos de botelo, 350 de verdura e 500 quilos de patacas. Todo elo regado cunhas 600 botellas de viño mencía e servido por 50 camareiros e con 12 persoas na cociña. No pavillón houbo unha zona de venda de camisetas e botellas de viño, así como un photocall e tamén un fotomatón para levar fotos de recordo deste día.

A festa do botelo continua nesta tarde coa emisión en directo do programa da TVG, Aquí Galicia, dende a Praza Andrés de Prada e a segunda edición dos Cantos de Taberna. Seis grupos estarán amenizando a tarde-noite en doce bares da vila.

O domingo continuará a feira de produtos tradicionais na Praza Andrés de Prada coa actuación do grupo Os Palletas. E pola tarde pecharase a actividade ás 19 horas coa actuación de Carlos Blanco e Luís Davila no seu espectáculo Menú da Noite. As entradas estarán á venda ao prezo de 10 € unha hora antes na billeteira do Teatro Lauro Olmo.

A XVII Festa do Botelo do Barco servirá máis de 750 quilos deste produto

A XVII Festa do Botelo do Barco servirá máis de 750 quilos deste produto

A XVII Festa do Botelo do Barco celebrase este fin de semana para exaltar este particular embutido que se elabora co estómago do porco recheo de costelas adobadas e despois afumado. Este produto consúmese cocido con verdura e patacas e dende o 2014 a festa de exaltación, que se celebra no Barco, foi declarada de Interese Turístico en Galicia. A festa contará cuns 1300 asistentes na comida do pavillón de Calabagueiros e moitos veciños e visitantes tamén o degustarán nos restaurantes da vila.

A actividade no Día do Botelo, sábado 21 de xaneiro, comezará cunha feira de produtos tradicionais a partir das 11 da mañá. Na Praza Andrés de Prada haberá 14 postos que venderán botelos, mel, marmeladas, etc. A feira estará aberta toda a fin de semana.

Unha vez inaugurada a feira darase paso, ás 12:30 horas, o acto do pregón coa entrega este ano da Mención de Honra á Lula a Pulpeira (Obdulia Fidalgo), a cociñeira encargada durante 15 anos de preparar a comida do botelo. A continuación os pregoeiros deste ano, o actor Carlos Blanco e o debuxante Luís Davila, farán a súa interpretación do botelo. Será a primeira vez que se fará un pregón falado e debuxado a dúas mans segundo explican os pregoeiros.

A comida comezará ás 14:30 horas no pavillón de Calabagueiros. Nela degustaranse 750 quilos de botelo, 350 de verdura e 500 quilos de patacas. Todo elo regado cunhas 600 botellas de viño mencía e servido por 50 camareiros e con 12 persoas na cociña. No pavillón haberá unha zona de venda de camisetas e botellas de viño, así como un photocall e tamén un fotomatón para levar fotos de recordo deste día.

A festa do botelo continuará pola tarde coa emisión en directo do programa da TVG, Aquí Galicia, dende a Praza Andrés de Prada e a segunda edición dos Cantos de Taberna. Seis grupos estarán amenizando a tarde-noite en doce bares da vila.

O domingo continuará a feira de produtos tradicionais na Praza Andrés de Prada coa actuación do grupo Os Palletas. E pola tarde pecharase a actividade ás 19 horas coa actuación de Carlos Blanco e Luís Davila no seu espectáculo Menú da Noite. As entradas están á venda ao prezo de 10 € na tenda Ton y Son e unha hora antes na billeteira do Teatro Lauro Olmo.

A festa está asegurada toda a fin de semana na vila do Barco.

A segunda edición dos Cantos de Taberna completan a programación da Festa do Botelo

A segunda edición dos Cantos de Taberna completan a programación da Festa do Botelo

O sábado pola tarde, despois de degustar o botelo no pavillón municipal de Calabagueiros e nos seis restaurantes que o ofrecen como menú na vila, será o momento de facerlle a dixestión a golpe de música. Seis grupos dos coñecidos como “cantos de taberna” actuarán por 12 bares do Barco para montar festa. O ano pasado foi un evento moi ben acollido e este repetirase a experiencia coa actuación de grupos do Barco, Trives, A Pobra de Brollón e Quiroga. As actuacións comezarán a partir das 7 da tarde e chegarán ata as 22:30 da noite.

Os locais que participan nesta foliada son: San Mauro, Agarimo, Pizzería O Barco, O Buraco, Veira Sil, Al Natural, Trece Catorce, La Pampa, A Cova, La Fábrica, Divino Paseo e Vinum.

O grupo Os palletas repetirá experiencia na Festa do Botelo

 

Estes grupos tamén acompañarán ao mediodía á comitiva do botelo, unha vez rematado o pregón, dende o Teatro Lauro Olmo ata o pavillón de Calabagueiros. Alí comerán e serán os encargados de amenizar a sobremesa cos seus cantos.

 

  • II FOLIADA Cantos de taberna

 

Grupos participantes

Centro Galicia (Ponferrada)
Os Palletas (Quiroga)
Píngalle o moco (A Pobra de Brollón)
Macizas Centrais (Pobra de Trives)
Corenta e chinco boys (A Pobra de Brollón)
Pándega (Valdeorras)