A VII Festa do Botelo en Vigo pecharía a tempada de exaltación do Botelo pola xeografía galega

A VII Festa do Botelo en Vigo pecharía a tempada de exaltación do Botelo pola xeografía galega

Este ano a edición número sete da Festa do Botelo en Vigo non será posible celebrala debido a situación de restricións que se están a vivir pola Covid-19. Como viña sendo tradición o primeiro sábado do mes de marzo pechábase a rolda de exaltación do botelo na cidade olívica. No Hotel Coia os asistentes degustaban este embutido rei do inverno valdeorrés e agardaban ansiosos a chegada da próxima festa.

Este sería o último acto promocional do botelo desta tempada fora das terras valdeorresas. O Concello do Barco agarda poder celebrar, en canto sexa posible, esta festa e seguir exaltando o botelo por diferentes lugares da xeografía galega. A Festa do Botelo foi declarada Festa de Interese Turístico de Galicia no ano 2004 e este será o primeiro ano que non se celebra actividade festeira pública pero continuase mantendo viva a tradición co seu consumo nos fogares de Valdeorras.

A VIII Festa do Botelo na Coruña terá que agardar

A VIII Festa do Botelo na Coruña terá que agardar

A oitava edición da Festa do Botelo na cidade da Coruña celebraríase hoxe, día 20 de febreiro, pero a pandemia pola Covid-19 fai que teñamos que agardar a que a situación mellore. Este ano non se reunirán unhas 300 persoas no restaurante Arbore da Veira no Monte de San Pedro ao igual que nas sete celebracións anteriores. Pero para todos os amantes do produto rei do inverno valdeorrés, que viven fora da comarca,  lembrámoslles que hai páxinas en internet, como www.retornoalpueblo.com, nas que poden adquirir o botelo e recibilo na súa casa. 

O Concello do Barco de Valdeorras continuará a traballar na organización dunha nova festa do botelo tanto na capital herculina como na cidade de Vigo en canto sexa posible.  Mentres tanto este ano o botelo toca degustalo na casa con todas as medidas de seguridade posibles.

Suspendida a XXI Festa do Botelo do Barco

Suspendida a XXI Festa do Botelo do Barco

O Concello decidiu a suspensión de todas as actividades previstas para a XXI edición da Festa do Botelo do Barco, por mor da situación sanitaria provocada pola Covid 19. A festa volverá, coa comida oficial no Pavillón de Calabagueiros e o resto do programa, en canto a situación epidemiolóxica o permita.

Non haberá festa oficial, pero o botelo segue a ser o embutido rei do Barco nestas datas, e sempre é un bo momento para degustalo, e para celebrar a festa na casa ou en algún dos moitos restaurantes da localidade que ofertan o botelo na súa carta.

Tamén vos ofrecemos a posibilidade de lembrar os bos momentos vividos en edicións anteriores, coas fotos e vídeos que podedes atopar nesta páxina.

A VI Festa do Botelo en Vigo pecha a tempada do Botelo

A VI Festa do Botelo en Vigo pecha a tempada do Botelo

A VI Festa do Botelo na cidade de Vigo celebrarase o sábado, día 7 de marzo, no Hotel Coia. Preto de 200 comensais degustarán o singular botelo acompañado de cachelos e verdura pechando así a tempada de promoción deste embutido valdeorrés fóra das súas terras de orixe. O actor, contador de contos e monologuista, Avelino González, será un dos invitados xunto con outras personalidades da cidade olívica.

A comida comezará  ás 14:00 horas con sopa e empanada de maravallas; a continuación servirase o botelo, e como sobremesa a torta de roxóns. Todo elo acompañado con viños de Valdeorras. O prezo da comida é de 28 euros por persoa. O acto pechará cunha actuación musical.

Este será o último acto promocional do botelo desta tempada. Este ano, o Concello do Barco organizou unha serie de actividades para celebrar os XX anos da Festa do Botelo do Barco e  segue traballando para dar  a coñecer o embutido rei do inverno valdeorrés, o Botelo. A Festa do Botelo é  Festa de Interese Turístico de Galicia dende o ano 2014.

Todas as actividades e fotos atópanse recollidas na webwww.festabotelo.es

Para facer reservas poden chamar ao Hotel Coia de Vigo no teléfono: 986 20 18 20

A VII Festa do Botelo na Coruña celebrarase o día 15 de febreiro e ten aberta a compra de entradas

A VII Festa do Botelo na Coruña celebrarase o día 15 de febreiro e ten aberta a compra de entradas

A sétima Festa do Botelo na cidade da Coruña celebrarase o sábado, día 15 de febreiro. O lugar desta nova edición será o restaurante Arbore da Veira no Monte de San Pedro ao igual que nas seis celebracións anteriores. O Concello do Barco de Valdeorras está organizando esta nova festa do Botelo na capital herculina para continuar coa difusión do produto rei do inverno valdeorrés. O botelo, é dicir, o estómago do porco recheo de costelas adubadas, afumado e que se consume cocido, está acadando un gran recoñecemento e difusión fóra das terras valdeorresas.

A festa comezará ás 12:30 horas coa recepción dos comensais e a continuación a comida na que os entrantes serán a tradicional sopa do cocido e a típica empanada de maravallas. O prato principal terá ao botelo como protagonista, acompañado de cachelos, chourizos e verdura. Todo isto regado cos viños de godello da Adega D´Berna e o tinto mencía de Adega Roandi. Para a sobremesa haberá bica e os licores da Adega Godeval. Ademais para amenizar o fin de festa terán un grupo musical. O xantar custa 36 € por persoa e as reservas xa se poden facer mediante o pago nun número de conta que o
restaurante ten aberto. Aqueles que vaian en grupo deberían especificar o nome do grupo ao que pertencen para poder organizar as mesas. Pódense facer reservas ata o xoves, día 13 de febreiro.


Esta Festa de Interese Turístico de Galicia dende o ano 2014 celebrou o pasado día 18 de xaneiro a súa vixésima edición na vila do Barco. Agora continúa a súa promoción fóra das terras valdeorresas e ademais da comida na Coruña, xa se está preparando outra en Vigo na súa VI edición para o día 7 de marzo.

Xeito de efectuar a reserva:
1 – Ingreso ou transferencia na conta: IBAN ES52 2080 0012 3330 4004 9959 . Titular da conta:
O Xardín de Árbore.
2 – Directamente no Restaurante previo pago en efectivo ata dous días antes do evento.
INFORMACIÓN Teléfono: 625 187 101